Sipas Shpat Kasapit, Leonardo DiCaprio është mik i tij dhe i të fejuarës së tij Afërdita Dreshaj. “Leonardon e njoh dhe unë. E kemi mik. Kemi pirë kafe bashkë. Afërdita ka qenë në grup bashkë me modelen Tika Ivezaj. Kushdo që të kishte qenë në vend të Afërditës, do të fotografohej prej paparacëve, sepse Leo është shumë i famshëm”, mësohet të ketë cituar këngëtari.
Ndërsa vetë Afërdita e ka mohuar të ketë lidhje me Leonardo DiCaprion dhe ka thënë se janë thjesht miq.
Ndërsa në mediat e huaja flitet se Leonardo DiCaprio nuk është më në listën e meshkujve 'single', pasi është fotografuar me një bionde misterioze në Miami...e cila nuk është tjetërkush veçse bukuroshja shqiptare e Kosovës, Afërdita Dreshaj.
'Daily Mail' thotë se fanset e Leos mund të qetësohen, pasi Dreshaj, e cila është edhe mbretëresha e bukurisë së Kosovës, finaliste në Mis Universit për vitin 2011 është vetëm një mikeshë e tij dhe asgjë më shumë. Leo, i cili u nda nga modelja e Victoria's Secrets, Erin Heatherton, vitin e shkuar, është fotografuar me bukuroshen shqiptare.
Dreshaj, nga ana e saj, tha për “E! News” se ajo dhe DiCaprio janë vetëm miq. Pasi dështoi në kandidaturat për Oscar, me rolin e Djangos, Leonardo duket se po kalon disa ditë pushimi pranë bregdetit.
Në fotografitë e publikuara së fundmi, Leonardo duket i relaksuar në ballkonin e apartamentit ku po qëndron krah Afërditës, si dhe duke pushuar me miqtë e tij.
